300- മത് സ്നേഹഭവനം മേരിക്കും കൊച്ചുമകൾക്കും
(16-Apr-2024)
സാമൂഹിക പ്രവർത്തക ഡോ.എം.എസ്.സുനിലിൽ നിരാശ്രയരായ സ്ത്രീകളും കുട്ടികളും അടങ്ങിയ കുടുംബങ്ങൾക്ക് നിർമിച്ചു നൽകുന്ന 300- മത് സ്നേഹഭവനം മേരിക്കും മേരിയുടെ കൊച്ചുമകൾ ബിജിതക്കും നൽകി.വിദേശ മലയാളിയായ ജോബ് വർഗീസിൻ്റെയും സൂസി വർഗീസിൻ്റെയും സഹായത്താൽ ഈസ്റ്റർ ദിന സമ്മാനമായാണ് വീട് നിർമിച്ചു നൽകിയത്. വീടിൻ്റെ താക്കോൽ സമർപ്പണ ചടങ്ങിൻ്റെ ഉദ്‌ഘാടനം ഡോ.എം.എസ്.സുനിലിൽ നിർവഹിച്ചു. വർഷങ്ങളായി സ്വന്തമായി ഒരു വീട് ഇല്ലാതെ യാതൊരുവിധ സുരക്ഷിതത്വവും ഇല്ലാത്ത ഇടിഞ്ഞു വീഴാറായ ചോർന്നൊലിക്കുന്ന ടാർപോളിൻ കുടിലിൽ ആയിരുന്നു മേരിക്കുട്ടിയും പ്ലസ് ടു വിദ്യാർത്ഥിനിയായ വിജിതയും താമസിച്ചിരുന്നത്. ഇവരുടെ ദയനീയ
അവസ്ഥ മനസിലാക്കി മൂന്ന് മുറികളും അടുക്കളയും ഹാളും ശുചിമുറിയും അടങ്ങിയ ഇരുനില വീട് പണിത് നൽകുക യായിരുന്നു. ചടങ്ങിൽ അടൂർ മുനിസിപ്പൽ വൈസ് ചെയർപേഴ്‌സൺ രാജി ചെറിയാൻ, ഐ.എച്ച്.ആർ.ഡി കോളേജ് പ്രിൻസിപ്പാൾ ഡോ.സന്തോഷ് ബാബു, പ്രോജക്ട് കോഡിനേറ്റർ കെ.പി. ജയലാൽ, പ്രൊ.രാജു തോമസ്, റെജി രാമകൃഷ്ണൻ, അഭിജിത്ത് പിള്ള, ചന്ദൻ.എസ് എന്നിവർ സംസാരിച്ചു. ചടങ്ങിൽ പങ്കെടുത്തവർക്ക് ഈസ്റ്റർ വിരുന്നും നൽകി.
